Saturday, 23 September 2017
Thursday, 21 September 2017
Saturday, 18 February 2017
PYD ENTU, 19 February, 2017
Kumin aṭang chuan hmun hrang hranga kan member awm tena PYD ENTU an lo chhiar ve theihn nâ'n blog-ah hian dah zêl kan tum tawh a. PYD ENTU-a ka chhuah lêm loh pawh hi PYD kaihhnawih reng reng chu kan post deuh reng tawh dawn a ni.
Friday, 17 February 2017
Nova Lawng (Noah’s Ark)
- F. Lalnuntluanga
Hringnun tih Column hi kum engemaw ti zat atang tawh khan lo neih ṭhin a ni a, hei kuminah kan tan leh dawn ta a ni a, hruaitute duhsakna zarah he column hlu tak mai hi chang leh turin min han ti a, ka lawm khawp mai. A chang chuan he column hi hriatzauna lampang te pawhin kan rawn her rem thina, hriatzauna pawh kan hringnuna pawimawh vek tho a ni e. Kumina chhuak hmasa berah pawh hriatzauna lampang NOVA lawngin han tan leh phawt mai ang.
Bible ah chuan Nova lawng kha Ararat tlangah a innghat tih kan hmu a. Ararat tlang hi eastern Turkey a awm ani. 1916 khan Russian pilot Valdimir Roskovitsky chuan he tlang 17000 ft vel zeta sangah hian lawng ang tak a hmu a. Hetatang hian Nova lawng hian ngaihven thar a hlawh ta hle a ni. Mi tamtak in hmuhchhuah tum in an bei a, lawng thlalak pawh atam nangiang ta mai, mahse belhchian an dawl lo tlangpui. Satellite thlalak chuan lawng angtak chu a la ngei a, mahse an han zirchian chuan Natural rock formation ani e an ti thung.
He lawng ang tak an hmuh hi tui let lai a Nova te chuanna ni ngeia ngaih lawng kha a awm e an tih thin hi kan awih zawng a ni emaw, mak ve tak chu a ni, chanchin hrang hrang sawi tur a ngah ve khawp mai a. 2007 leh 2008 vela Noah's Ark Minitries International ten an thil hmuhchhuah belh chu, an member 1 Man-Fay Yuen a sawi dan in, 'Thinga siam Compartment lian tawk tak 7 lai an hmuh leh an fan thu te pawh a sawi a, heng thing them an lak te pawh hi mithiamten an endik a, a hun thu ah pawh a inmil khawp in a lang an ti ani.
Hetih lai hian Ararat tlang a Nova lawng ami a thing them 1955 kum a, French mi pakhat Fernand Navarra in a lak chu carbon 14 dating a an han en chuan kum 1400 vel chauh a upa ani tlat mai. Ararat tlang ami nilo a piah 32 km vel a hla ami Al Judi tlang hnuai a Turkish Air Force ho hmuh chhuah hi a awmang mah mah zawk a, mahse lung vek ani thung. Rin dan chuan a rei tawh lutuk a, a thing kha a in fossilized anga lung ah a chang tawh anih an ring. Nova lawng chungchang hi thil awmsa behchhan a thawnthu siam ani thei zawk angem. A fossilised thei ani, chu chu rindan tlanglawn tak ani a. Tin, a hmun hmun khawkrawk leh chhengchhe tak ani a, kal a har khawp mai bawk.
Rindan dang leh ah chuan he tlanga lawng ang tak pian hi hmanlai khan an lo hmu anga, chumi behchhan chuan Nova leh tuilet thawnthu hi hmanlai ho khan an lo siam anih an ring a chhan chu Nova lawng size leh area Bible in a lo sawi, a dung tawng 300,a vang tawng 50, a san lam tawng 30, chhawng thum nei, lei a nungcha, tisa nei zawng zawng sava te thlengin, anupa vek leh nghalin an eitur te nen vek (Genesis 6:13-22) kha he lawngah hian leng vek tur chuan an size leh area leh he lawng area hi a in mil thei tlat lo ani an ti. Bible a tawng khat hi 18 inch vel nena intluka ngaih ani. Chuti anih chuan nova lawng hi a dung 300x18=5400 inch vel ani dawn a chu chu 450 ft vel a si ani tihna a ni. Tin a vang hi 50x18= 900 inch vel tihna a ni a , chumi chu 75 ft vel tihna a ni. A san zawng hi 30x18= 540 inch vel tihna a lo ni leh a, chu chu 45 ft vel a sang tihna a ni. Tichuan a lawng ...area pumpui hi LxBxH= 1518750 square ft, tihna a ni. Hei hi Bible in a sawi dan a ni tlat mai a. Hetiang area ah hi chuan khawvela nungcha zawng zawng , a nupa lehnghal, an chaweitur te nen vek leh an mahni Nova te chhungkaw khawsakna tur nen chuan tunlai mi thiam te chuan in khung len a huphurhawm lam deuh in an hria a ni.
Tuilet thawnthu hi Bible ah lo pawh hian hmanlai hnam hrang hrang hian an lo nei nual mai bawk a. Chuvang chuan mithenkhat ngaihdan chuan heng thawnthu atang zawk hian an la emawnichu te pawh an ti hial a ni. A enga pawh chu nise kei chuan Bible hi a awihawmloh e tih lam zawng in rawn sawi ka tum reng reng lova..Kan hriat reng atana tha zawk chu kan Bible, kan Pathianthuin min hruailuh a tumna ber chu Chatuan nuna ah ani tih hi hre reng ila, tichuan Bible thu eng eng emaw atanga inhnialna awm thin te pawh hi a ziaawm ngeiin ka ring thin.
Subscribe to:
Posts (Atom)